BogS blog

Janúar - júní 2010

Mon, 12 Jul 2010 12:45:00 +0000

Fyrri hluti þessa árs hefur að mestu snúist um hversdagslega hluti s.s. vinna og skipta um bleijur.

Jan - apr:
Sóley Lára fór að vinna aftur eftir fæðingarorlof.
Sigurlaug kom suður í byrjun janúar og var hjá okkur í fram í apríl að sjá um ungana okkar.
Börnin áttu 1. árs afmæli.
Um páskana fórum við norður.
Veikindi herjuðu á börnin og var Júlía Huld með 38-40°C hita í 10 daga sem endaði síðan með sýklalyfja kúr.

Maí:
Krakkarnir byrjuðu hjá dagmömmu í byrjun maí og hefur það gengið rosalega fínt.
Árni lenti í slysi á fjórhjólinu sínu um miðjan maí þannig að við vorum fyrir norðan í sauðburði flestar helgar auk nokkurra daga í þeim mánuði.
Veikindi herjuðu á börnin í þetta sinn kvef pest.

Júní:
Sóley Lára ásamt fríðu föruneyti fór til Ástralíu til að vera við giftingu hjá Valeyju Söru.
Birkir & börn og Linda & börn fóru í helgarreisu til Vestmannaeyja í heimsókn til Guðnýjar og Sveins sem voru þar með íbúð á leigu
Hele familian fékk magapest.
Krakkarnir fengu hlaupabóluna.

Myndir frá þessu tímabili eru komnar inn á síðuna okkar. Myndir frá Ástralíu ferðinni koma vonandi fljótlega.

It aint over yet

Sat, 06 Mar 2010 22:27:00 +0000

Svona eins og þeir vita sem heimsækja þessa síðu reglulega að þá hefur ekki mikið gerst á henni síðustu mánuði. Aðal ástæðan er sennilega sú að við vorum komin með uppí kok af því að halda henni við, net-andinn horfinn. Á tímabili var ég að spá í að loka henni, hætta að deila myndum og upplýsingum af fjölskyldunni með öðrum. Svo hætti maður við að hætta og fékk vott af net-andanum aftur. Þannig að ég setti inn nokkrar myndir til viðbótar í myndalbúmið. Núna er maður að reyna klára að setja inn þær myndir sem voru teknar seinnipart síðasta árs. Vonandi tekst það fyrr en seinna, allavegana áður en net-andinn hverfur aftur. Ég er ekki frá því að Facebook hafi þessi áhrif á mann ;)

Júní & Júlí

Fri, 07 Aug 2009 20:04:00 +0000

Júní og júlí mánuðir voru frekar rólegir miðað við undan farin sumur, ekki mikið brugið sér af bæ. Við gerðum okkur þó dagamun og skruppum á Selfoss á 17. júní. Þann 19. júní fékk prinsessan þeirra Lindu og Ottós fékk nafnið Embla Rut. Anna Kristín og Óli buðu okkur ásamt Birnu Hlín og Guðmundi í bústað í Brekkuskógi. Sóley Lára var 1/2 mánuð heima í sveitinni með börnin í júlí og Birkir fór í viku vinnuferð til Árósa. Annars voru þetta bara týpískir dagar, allir eins.

Myndir frá í apríl

Tue, 28 Apr 2009 21:52:00 +0000

Jæja, þá er hægt að segja að við höfum farið að gera eitthvað annað heldur en að skipta á, hugga og svæfa ungabörn. Við vorum á töluverðum þvælingi í apríl, kanski til að vinna upp fyrstu mánuðina í árinu þar sem við vorum mjög busy heima hjá okkur.

Um páskana var brunað norður og verið þar í góðu yfirlæti, bæði á Bálkastöðum og á Borðeyri. Mæðginin voru nokkrum dögum lengur sveitinni eftir páska enda langþráð hjá Sóleyju Láru að komast heim. Birkir kom svo og sótti liðið og var farið suður á föstudeginum eftir páska.

Á Sumardaginn fyrsta var svo farið á Selfoss til Dísu og Frímanns. Þar mættu einnig Sjonni, Gerða, Gummi og Gunnar Þór. Sjonni eldaði hið fræga Sjonna pasta ofan í liðið og var greinilega atvinnumaður þar á ferð í eldamennskunni.

Á sunnudeginum 26. apríl fórum við svo til Grundarfjarðar þar sem okkur var boðið í fermingarveislu hjá Sólveigu Ástu. Hún er yngsta dóttir Ellu (systur Guðnýjar) og Sæa.

Öryggisspurning

Mon, 19 Jan 2009 12:38:12 +0000

Var að bæta inn smá reiknisdæmi fyrir þá/þær sem vilja skrifa athugasemdir á heimsíðuna okkar. Þetta er gert í öryggisskyni svo að það séu ekki tölvur sem skrifa athugasemdir á síðuna aðeins lifandi verur. Það er nauðsynlegt að svara reiknisdæminu svo að það sé hægt að senda inn athugasemd.

Barnamyndir

Sun, 18 Jan 2009 21:32:00 +0000

Nú eru komnar inn í albúmið fyrstu myndirnar af erfingjunum okkar. Sú breyting hefur nú verið gerð að búið er að læsa myndaalbúminu en ef þið smellið á myndir hér fyrir ofan fáið þið leiðbeiningar um hverning þið getið loggað ykkur inn. Ef þið hafið ekki svörin við spurningunum getið þið sent okkur tölvupóst á birkir@birkir.net

Myndir ágúst - nóv

Fri, 26 Dec 2008 16:42:39 +0000

Var að setja inn nokkrar myndir héðan og þaðan frá tímabilinu ágúst - nóvember. Á þessum tímabili fórum við í 2 veiðiferðir, berjamó, Brúarslútt, móttöku á handboltalandsliðinu, heimalandasmölun og 2 brúðkaup.

Veiðiferðirnar voru báðar í Laxá og þar sem SL fékk meðal annars Maríulaxinn sinn. Skruppum í berjamó upp í Bakkasel ásamt Sigurlaugu, þóreyju Örnu og Elmu Hlín. Brúarslúttið var haldið í Brúarskála rétt áður en hann var rifinn og mættu þar fyrrverandi starfsmenn og ásamt nokkrum mökum.

Eftir að handboltalandsliðið vann til silfurverðlauna var haldin rosa móttaka sem við kíktum á. Hin árlega smalahelgi var svo á Bálkastöðum með að venju fjölda manns.

Guðlaug Helga og Einar héldu sitt brúðkaup þann 23. ágúst og

Einar frændi og Ósk sitt þann 15. nóvember. Það var 5ta brúðkaupið sem að við förum í á þessu ári.

Bang Gang

Fri, 19 Dec 2008 09:07:11 +0000

Ég og Ingþór frændi skelltum okkur á Bang Gang tónleika í gærkveldi á Nasa. Þetta voru hinir ágætistónleikar nema að hljóðmaðurinn var ekki alveg að standa sig í stykkinu. Það var endalaust eitthvað auka suðhljóð, trommurnar alltof háar og svo heyrðist ekki alltaf nóg í þeim sem var í aðalhlutverki hverju sinni. Samt fínir tónleikar og Barði í fínu stuði.

Bang Gang sendi frá sér Plötuna Ghosts from the past í ár. Þar sem ég hef verið mikill sukker fyrir þægilegri popp/rokk (kassagítar) tónlist síðustu ár þá er þetta plata sem ég mæli með. Þægileg tónlist með flottum melódíum.

Ef þú hefur áhuga á að hlusta á smá sýnishorn af plötunni þá er hægt að gera það hér

Dagur íslenskrar tónlistar - frí tónlist

Fri, 12 Dec 2008 00:31:35 +0000

Í dag er dagur íslenskrar tónlistar (skilst mér). Það eru tvö fyrirtæki sem eru að bjóða upp á fría Íslenska tónlist í tilefni þess og einnig í tilefni kreppunnar. Þetta er hið fínasta efni. Endilega notfærið ykkur þessi boð.

Fyrirtækin sem eru að bjóða þetta eru:

Tónlist.is

Kimi Records

Smekkleysa

Væntanlegir erfingjar

Sat, 25 Oct 2008 11:21:52 +0000

Eins og kannski flestir vita sem eitthvað hafa samskipti við okkur þá eigum við von á okkar fyrstu börnum í kringum 20. janúar. Já, börnin eru 2 og ganga undir nöfnunum A og B þessa dagana. Við viljum viljum ekki vita kynið þannig að það verður bara spennandi að sjá hvað við fáum. Í tilefni þessa ákváðum við að búa okkur til Erfingja síðu þar sem þið getið séð nýjustu fréttir um meðgönguna og hugsanlega einhverjar myndir.

Þið getið fundið Erfingja síðuna hérna en auk þess er linkur hjá hinum linkunum ;)

Orð dagsins

Mon, 20 Oct 2008 21:47:26 +0000

Þetta er það besta sem ég hef lesið lengi um stjórnvöld og Seðlabunkann

"Það er ólíklegt að nýir leiðtogar sem væru valdir af handahófi í símaskrá gætu valdið jafnmiklum efnahagslegum glundroða og núverandi stjórnvöld"

- Robert Z. Aliber

Full frétt hér.

Bubbi Morthens

Thu, 02 Oct 2008 23:40:03 +0000

Það eru liðin fullt af árum síðan ég gafst upp á Bubba sem tónlistarmanni. Tónleikarnir sem ég hef farið á með honum í gengum ævina hafa alltaf verið fullir af misskemtilegum dópsögum og misskemmtilegum nýjum lögum sem hann hefur verið að kynna í það skiptið. Plöturnar hafa verið ansi misjafnar í seinni tíð og satt best að segja hætti ég að versla plöturnar hans eftir að hann gaf út Sögur af Landi sem kom út ef að ég man rétt um 1990.

Ástæðan fyrir því að ég er að skrifa um Bubba hér er sú að mér var boðið á tónleika með honum í kvöld. Ég var mikið að spá í að fara ekki en ákvað að skella mér. Oddi bauð einhverjum útvöldum upp á tónleika með Bubba ásamt bandinu hans (Gummi P, Jakob Smári o.fl.) . Vinur hans Valgeirs fékk slatta af miðum þannig að mér var boðið með. Ég verð að segja að þetta voru draumatónleikarnir með honum. Kallinn spilaði í rúman 1,5 klst. nánast allt lög sem voru gefin út fyrir 1990. Það voru greinilega ekki allir að fíla þetta gamla dót og kallað var úr sal að spila Fallegur dagur. Bubbi sagðist nú ekkert hafa æft það en þeir skelltu sér í lagið og spiluðu 1-2 erindi og þar við sat. Bara haldið áfram að spila gamla efnið mér til mikillar ánægju. Sum lögin fengu, eins og alltaf, nýjan búning og að heyra Frelsarans slóð í spagettí vestra stíl var ansi flott. Einnig fékk að Agnes og Friðrik að hljóma en það lag sagði Bubbi að væri mjög langt siðan að hann hafi tekið og spilaði það yfirleitt ekki á tónleikum. Nokkrar ábreiður hljómuðu og opnaði hann kvöldið með All along the watchtower ásamt því að taka I fought the law sem er sennilega þektast sem ábreiða sem Clash tók á sínum tíma.

Þessir tónleikar voru hreint út sagt frábærir öll lögin sem að maður langar til að heyra kallinn spila og engar dópsögur. Bubbi sýndi það að hann kann ennþá að spila gömlu lögin sín og að hann er alveg hörku trúbadúr. Kóngurinn lifir :)

Þau lög sem ég man eftir að hafa hljómað í kvöld og kann að nefna:
Afgan, Frelsarans slóð (í Spagettí vestra útgáfu), Agnes og Friðrik, Fjólublátt flauel, Rómeó og Júlía, Ísbjarnarblús, Segulstöðvarblús, Gott að Elska, Fjórir naglar, Hrognin eru að koma, Kyrrlátt kvöld við fjörðinn (í country stíl), Sonneta, Blindsker, Fallegur dagur, Laugardagsmorgun, Stál og hnífur, Sumar konur, All along the watchtower, I fought the law

Jeppatúr Fjallabak Nyrðra o.fl.

Wed, 01 Oct 2008 23:16:43 +0000

Dagana 9 - 11 ágúst skelltum við okkur í smá jeppatúr. Byrjuðum á því að kíkja á ljósmyndasýninguna hans Sigurjóns sem hann var með á Eyrarbakka. Síðan var haldið áfram með ströndinni að Urriðafossi. Á Hvolsvelli var svo stoppað í kaffi hjá Önnu Kristínu og Óla sem bentu okkur á að það væri mjög skemmtilegt að tjalda í Þakgili. Þegar í Vík var komið var ákveðið að kíkja á þetta Þakgil og tjalda ef að okkur litist á það. Þakgil er alveg magnaður staður og ég mæli eindregið með því að fólk taki smá krók á leið sína ef að það er statt í Vík í Mýrdal.

Á degi tvö var haldið upp Skaftártungur og inná Fjallabak Nyrðra. Komið var við í Eldgjá og Ófærufoss skoðaður. Stefnan var sú að við ætluðum að tjalda í Landmannalaugum en þegar þangað kom sáum við það að Landmannalaugar var ekki staður sem okkur langaði að reka niður alla tjaldhælana okkar. Þannig að við gistum við Landmannahelli á "Soft camping" tjaldstæði eins og stóð á skiltunum sem á vegi okkar urðu.

Á degi þrjú fórum við frá Landmannahelli yfir Pokahryggi og inn í Hrafntinnusker. Þar sem vegurinn endaði við stóran snjórskafl í hlíðum Hrafntinnuskers var ákveðið að halda áfram labbandi. Löbbuðum við Hrafntinnuskerið þvert og endilangt og kíktum við í Höskuldsskála og að íshellinum. Þegar labbinu lauk ákváðum við að fara Rauðufossaleið sem liggur við Heklu hraun og þaðan upp á Landmannaleið. Eftir að komið var upp á Landmannaleið var stefnan tekin heim.

Fleiri myndir eru auðvitað í myndaalbúminu okkar!

Helgin 18 - 20 júlí

Tue, 23 Sep 2008 22:22:19 +0000

Helgina 18 - 20 júlí var ansi mikið um að vera. Á föstudagskveldinu skellti ég mér á Kollsárættarmót sem var haldið að Skildi sem er rétt hjá Stykkishólmi. Það var alveg ágætis mæting á föstudeginum þannig að maður náði að hitta slatta af ættingjum sem að maður hefur ekki séð lengi.

Á laugardeginum var svo haldið í Borgarnes þar sem að vinafólk okkar Birna Hlín (vinkona SL frá Laugavatni) og Guðmundur giftu sig. Athöfnin fór fram í Borganeskirkju en veislan í félagsheimilinu Lyngbrekku sem er staðsett á Mýrunum. Þetta var bæði alveg stórskemmtilegt og alveg sérstaklega eftirminnilegt hvernig félagi Guðmundar lýsti steggjununni í orðum í stað þess að sýna myndir eða videó.

Myndir af þessu má finna í myndaalbúminu okkar, að sjálfsögðu

Metallica

Tue, 09 Sep 2008 10:40:24 +0000

Fyrir svona gamla rokkhunda eins og mig þá er það alltaf spennandi þegar Metallica gefur út nýja plötu. Það er einmitt að gerast í þessari viku eða réttara sagt föstudaginn 12. sept. Ef þig langar að taka forskot á "sæluna" þá er hægt að hlusta á nokkur lagana hér. Ég verð nú bara að segja að fyrsta hlustun yljar mann um hjartaræturnar, því heyra má gamla takta. Þetta verður kanski ekki bezta platan þeirra en þetta lofar góðu og á örugglega eftir að venjast vel!

Nýtt look

Sat, 06 Sep 2008 01:17:44 +0000

Þá er komið að því, nýtt look og nýtt kerfi sem heldur utan um allt fyrir mann. Gamla heimasíðan og bakendakerfið var smíðað frá grunni af mér. Bakendakerfið átti alltaf að verða svo rosalega flott að maður bara komst ekki í að gera það eins og maður vildi. Í staðinn ákvað ég að nota kerfi frá Silverstripe sem er líkast því eins og það sem ég ætlaði að gera. Eins og er eru allar gömlu færslunar ennþá í gamla kerfinu og ég er hreinlega ekki búinn að ákveða mig hvort að ég eyði tíma í að færa þær yfir, tíminn verður bara að leiða það í ljós.

Af okkur er annars allt gott að frétta, kúlan á Sóleyju Láru farin að verða ansi myndarleg þótt að það sé ennþá fullt af vikum þangað til að erfingjarnir koma í heiminn. Við erum búin að vera á flakki flest allar helgar í sumar og myndir af því fara að detta inn á næstu dögum.

Lokun Brúarskála

Thu, 14 Aug 2008 22:11:50 +0000

Þá er komið að því að fjölmennasti vinnustaðurinn í sveitinni er lokað (sjá hér). Skálinn verður að víkja fyrir nýjum vegi.
Í tilefni þessa er stefnt á að hafa smá hitting fyrir alla þær/þá sem hafa unnið í skálanum.

Hægt er að sjá meira um þennan hitting hérna

Háuljósin frá maí og júní

Wed, 23 Jul 2008 22:22:56 +0000

Maí og júní voru veislu mánuðir. Linda og Ottó giftu sig 6. maí, Hrund og Burkni skírðu Emelíu Ínu 18. maí, Dísa útskrifaðist frá HÍ með BA gráðu í Félagsfræði 14. júní. Birkir var svo sendur til Búlgaríu í 1/2 mánuð í lok júní. Strax eftir að hann kom heim þá var farið í bíltúr með Dísu og Frímanni.

Enjoy
BogS

Til Búlgaríu

Fri, 27 Jun 2008 00:00:00 +0000

Vinnan ákvað að senda Birki í 1/2 mánaðardvöl til Búlgaríu. Þar sem þetta er í fyrsta skipti sem að Birkir fer einn að heiman og þar til svona "framandi" lands þá ákvað hann að skella upp smá bloggi um það sem fyrir augum ber. Þar sem þetta er vinnuferð þá verður sennilega lítið um skoðunarferðir en auðvitað verður tekið eitthvað tölt um bæinn.

Ef þú hefur áhuga á að lesa bullið í Birki þá er hægt að skoða það hérna

Enjoy
BogS

Veiðivatnaferð í janúar

Sun, 08 Jun 2008 22:32:42 +0000

Birkir og Valgeir ásamt fríðu föruneyti fóru eina helgina í janúar í jeppaferð. Farið var í Veiðivötn og gist þar í stóra skálanum. Pattinn var pimbaður fyrir ferðina svo að hann myndi örugglega komast á leiðarenda. Sett voru 33" dekk undir og fullt af kösturum framan á bílinn svo að við gætum örugglega brætt skaflana með þeim ef þeir yrðu eitthvað illviðráðanlegir.

Valgeir tók slatta af myndum en þær er hægt að nálgast hér